Viaducters van Verdeenste – van aodnaonuuj
Op vriedig 15 november braekt ein nuuj Vastelaovesdecennium aan veur CV “Onger ’t Viaduct”. Eederein kiekt hiej ontzettend nao oet! Teves is det ‘t moment det de “Viaducters van Verdeenste”, VvV in ’t kort, veur de ieërste kieër “officieel” nao boete zulle traeje.
Mer waem en waat zeen de “Viaducters van Verdeenste”?
Vanoet de aoed-leeje en de “aojere” leeje, die un stepke truuk wille doon, zeen der signale ontvange. Signale van ‘t weer betrokke wille rake en ‘t betrokke wille blieve biej ‘t Viaduct. Woorom? Omdet men zich nog steeds hieël erg verbonje en betrokke veult mit ‘t Viaduct. Mit de oprichting van de “Viaducters van Verdeenste” blieft ‘t Viaducter collectief geheuge gewaarborgd. Daonaeve zulle de “Viaducters van Verdeenste” ongersteune wo neudig, mit raod, daod en advees. Men zoej kinne zigge det ‘t Viaduct zich fundamenteel verstevigd en verriekt mit de komst van de “Viaducters van Verdeenste”. Waat auch belangriek is, is ‘t gezellig same zeen. Aoj herinneringe waere opgehaold en nuuje waere gemaakt.
Oppe ViVaS, de receptie en Carnavalszunjig zulle de “Viaducters van Verdeenste” sowieso acte de presence gaeve. En sommige van de “Viaducters van Verdeenste” zulle nog waal biej un aantal angere activiteite aansloete. Es veer ‘t doon den doon veer ‘t good en dus zal ‘t gros van de “Viaducters van Verdeenste” der carnavalesk biej loupe. Un sjiek humme mit ‘t logo van de “Viaducters van Verdeenste”, ein beitekenisvolle leejemedaille en ein fraai sjuutje complementere ut tenue. Dit alles geheel passend biej de “looks en feels” van ‘t Viaduct, mer den get subtieler en minder flamboyant den de actieve Viaducters. Neet geheel toevallig starte de “Viaducters van Verdeenste” dit sezoen, mit 11 leeje.
Mit 10 aod-prinse, 6 aod-bestuursleeje, unne aod-Vorst, aod-adjudanten en mieër den 150 jaor Viaduct ervaring zeen de “Viaducters van Verdeenste” der klaor veur om same mit uch op vriedig 15 november ’t nuuje Vastelaovesdecennium van ’t Viaduct in te luide!
“Riet die körk oet de fles!”
De iërste lichting “Viaducters van Verdeenste”
Geert Janssen, Jelle Ritzen , Joost Ficken , Jop Wilms, Koen Hawinkels, Martijn Bours, Rob Huyskens, Rob Smeets, Silas Bours, Stefan Bours, Tim Snijckers
Dinkse noe es aod-Viaducter, dao will auch gaer biej heure? Naem dan contact op mit ein van de aanspraekpuntje van de “Viaducters van Verdeenste”: Martijn Bours, Joost Ficken of Koen Hawinkels veur meer informatie. Of baeter nog, kom de 15e gezellig nao de ViVaS in de Spil en spraek os aan!
