Adopteer een steek
Adopteer een steek
We treeje in ein nieu decennium opweag noe 3×11 joar.
Misschien is het dich al opgevalle maar al die gezichskes binne het Viaduct zeen neet meer allemoal die gezichskes van toen we begoste in 2003 of van toen we os 1 x 11 joar jubileum vierde. De aafgeloupe joare zeen der hiel get nuuj leeje bie os vereniging aangesloate. Mit dees vernieuwing binne de leeje is het aug tied om oos huidige steeke, die we al mier den 18 joar gebroeke, goan vernieuwe.
De road steken zeen ein van de herkenningspuntje van ein Vasteloavesvereniging. Het ontwerp det we momenteel gebroeke goan we den aug neet verangere. Ein eigentiedse stielvolle steek, in de verenigingskleur roeed. Biekommend veurdeil hiejbie is det we oos oaj steeke es reserve kinne gebroeke. Doanaeve hubbe we besloate om oos aspirant leeje gein apaart sjuutje (kleine steek) meer te geave want oos Viaducters van Verdeenste (VvV) draage vanaaf dit joar ein gehiel eige sjuutje.
Allemoal leuk en aardig, die nuuj steeke, mer wie goan we det allemoal betale? Hieveur wille we het project Adopteereensteek wederom in het leave roope. Veur elke nuuje steek (dea 260 euro kost) zeen we op zeuk noa sponsoren. Steeksponsoren kriege de mogelijkheid ein hele, eine halve of ein kwart steek te adopteren. Per steek vulle weer es vereniging zelf nog 50 euro aan.
Viaducter Sjaal
Viaducter Sjaal
Sjaal-om Sj-Alaaf!
De enige echte Viaducter sjaal is noe te verkriege veur slechs €11,-!
Maak uche vastelaovesoutfit compleet mit dit uniek stökse gebreide Vastelaovendj!
Loat biej de bestelling uch adres achter en den zörge veer der veur det de sjaal bie uch terech kump! Zo stoant geer der weer sjiek op tiedens dees daag en hoof ger geine ozel te lieje.